Azərbaycan Kibertəhlükəsizlik Təşkilatları Assosiasiyası (AKTA) və Assosiasiyanın üzvü olan Allsafe Kibertəhlükəsizlik MMC-nin birgə təşkilatçılığı ilə IT sahəsində təhsil alan xanım tələbələr üçün ISO/IEC 27001 üzrə Daxili Auditor Təlim Proqramı uğurla keçirildi.
Beynəlxalq təcrübəyə malik olan mütəxəssislər Serkan Balkanlı və Gülşah Bakırlı tərəfindən aparılan təlimdə iştirakçılara informasiya təhlükəsizliyi idarəetmə sistemləri, risklərin idarə olunması, daxili audit prosesi və ISO/IEC 27001 standartının əsasları üzrə nəzəri və praktiki biliklər təqdim olundu.
Təlimin sonunda keçirilmiş qiymətləndirmə imtahanında uğur qazanan iştirakçılar ISO/IEC 27001 üzrə Daxili Auditor statusunu təsdiqləyən sertifikat əldə etmək imkanı qazanıblar.
Bu təşəbbüs xanım tələbələrin kibertəhlükəsizlik sahəsində inkişafı və peşəkar karyeralarına töhfə vermək məqsədi daşıyırdı.
