ALLSAFE Kibertəhlükəsizlik MMC Azərbaycan-Türkiyə İş Adamları Birliyinə (ATİB) üzv olub. Bu üzvlük şirkətin regional və beynəlxalq biznes ekosistemində mövqeyinin möhkəmləndirilməsi, yeni əməkdaşlıqların qurulması və tərəfdaş şəbəkəsinin genişləndirilməsi baxımından önəmli addım kimi qiymətləndirilir.

Kibertəhlükəsizlik sahəsində fəaliyyət göstərən ALLSAFE dövlət və özəl sektor üçün informasiya təhlükəsizliyi, risklərin idarə olunması və rəqəmsal mühafizə üzrə kompleks həllər təqdim edir. ATİB platforması isə şirkətə müxtəlif sahələr üzrə fəaliyyət göstərən yerli və xarici biznes nümayəndələri ilə daha effektiv əlaqələr qurmaq imkanı verəcək.

Bu əməkdaşlıq çərçivəsində ALLSAFE-in korporativ xidmət istiqamətinin inkişafı, birgə layihələrin reallaşdırılması və yeni bazar imkanlarının formalaşması gözlənilir.

Şirkət bundan sonra da innovativ yanaşmalar əsasında fəaliyyətini genişləndirməyi, müştəri məmnuniyyətini artırmağı və tərəfdaşlıq əlaqələrini daha da gücləndirməyi hədəfləyir.