🔐 IV Milli Kibertəhlükəsizlik Forumu
4 iyun 2026-cı il tarixində Azərbaycan Kibertəhlükəsizlik Təşkilatları Assosiasiyasının (AKTA) təşkilatçılığı və Dövlət Təhlükəsizliyi Xidmətinin Milli Kibertəhlükəsizlik Mərkəzinin əsas tərəfdaşlığı ilə keçirilən *IV Milli Kibertəhlükəsizlik Forumunda*, AKTA-nın üzvü olaraq ALLSAFE Kibertəhlükəsizlik MMC iştirak etmişdir.
Forum dövlət qurumlarını, Milli Məclisin deputatlarını, beynəlxalq və yerli təşkilatların nümayəndələrini, özəl sektor təmsilçilərini, ali təhsil müəssisələrini, ekspertləri və gənc mütəxəssisləri bir araya gətirərək kibertəhlükəsizlik sahəsində aktual çağırışların və inkişaf perspektivlərinin müzakirəsi üçün mühüm platforma rolunu oynayıb.
Tədbir çərçivəsində kibertəhlükəsizlik ekosisteminin inkişafı, beynəlxalq əməkdaşlıq, rəqəmsal transformasiya, süni intellekt texnologiyalarının təhlükəsizlik mühitinə təsiri və innovativ həllərin tətbiqi istiqamətində dəyərli fikir mübadiləsi aparılıb.
Bu əhəmiyyətli tədbirin təşkilində əməyi olan AKTA-ya, Dövlət Təhlükəsizliyi Xidmətinin Milli Kibertəhlükəsizlik Mərkəzinə və bütün tərəfdaşlara təşəkkürümüzü bildiririk.
