Üzvü olduğumuz Azərbaycan Türkiyə İş Adamları Birliyi (ATİB) İdarə Heyətinin üzvü, “Köşebaşı” MMC-nin sponsorluğu ile şirkətin yeni açılmış “Köşebaşı Boulevard” restoranında keçirilən işgüzar səhər yeməyinə qatıldıq.

Tədbirin “Köşebaşı Boulevard” ilə birgə təşkil olunması sahibkarlar arasında əlaqələrin genişlənməsi və yeni tərəfdaşlıqların formalaşması baxımından xüsusi əhəmiyyət daşıdı.

Tədbirdə Türkiyə Respublikasının Azərbaycandakı Fövqəladə və Səlahiyyətli səfiri Prof. Dr. Birol Akgün, Şimali Kipr Türk Respublikasının Azərbaycandakı nümayəndəliyinin rəhbəri Ufuk Turqaner, səfirlik nümayəndələri, iş adamları və ATİB üzvləri iştirak etdilər.

Çıxışlarda Azərbaycan-Türkiyə iqtisadi əlaqələrinin gücləndirilməsi, sahibkarlar arasında əməkdaşlığın təşviqi və ortaq təşəbbüslərin genişləndirilməsi xüsusi vurğulandı.

ATİB rəhbərliyinə və tədbirin təşkilində əməyi olan hər kəsə təşəkkür edirik. Bu kimi platformaların biznes əlaqələrinin inkişafına və regional əməkdaşlığın dərinləşməsinə mühüm töhfə verdiyinə inanırıq.