Allsafe Kiber Təhlükəsizlik MMC ile Dövlət Gömrük Komitəsinin Akademiyası arasında əməkdaşlıq haqqında Anlaşma Memorandumunun imzalanması mərasimi keçirilib.
Akademiyada təşkil olunan görüşdə Dövlət Gömrük Komitəsinin sədrinin müavini Natiq Şirinov, Dövlət Gömrük Komitəsinin Akademiyasının rəisi, gömrük xidməti general-mayoru Qulu Novruzov, Allsafe Kiber Təhlükəsizlik MMC direktorumuz Gülşah Bakırlı və şirkətimizin nümayəndələri, Türkiyə Respublikasının Azərbaycan Respublikasındakı səfirliyinin müdafiə sənayesi müşaviri İlker Türkgöz, DGK-nın Rəqəmsal İdarəetmə Baş İdarəsinin rəisi Fuad Aslanov, Komitənin Kibertəhlükəsizlik şöbəsinin rəisi Turqut Vəliyev, DTX-nin Heydər Əliyev adına Akademiyasının, DİN-in Polis Akademiyasının, Azərbaycan Dövlət Neft və Sənaye Universitetinin, Azərbaycan Texniki Universitetinin, Bakı Mühəndislik Universitetinin, həmçinin digər dövlət və özəl qurumların nümayəndələri və Akademiyanın əməkdaşları iştirak ediblər.
Daha sonra Allsafe Kiber Təhlükəsizlik MMC direktorumuz Gülşah Bakırlı şirkətimizin fəaliyyət istiqamətləri, xidmətləri barəsində məlumat verərək Akademiyanın fəaliyyətinə töhfə verəcək əməkdaşlıqdan qürur duyduqlarını bildirib.
Müzakirələrdən sonra Allsafe Kiber Təhlükəsizlik MMC direktorumuz Gülşah Bakırlı və Dövlət Gömrük Komitəsinin Akademiyasının rəisi Qulu Novruzov əməkdaşlığa dair Anlaşma Memorandumu imzalayıblar.
Memorandumda tərəflər arasında qarşılıqlı şəkildə təlim və tədrisin təşkili, gələcək kadr ehtiyaclarının ödənilməsi istiqamətində birgə fəaliyyətin göstərilməsi, həmçinin tələbələrin bilik və bacarıqlarının, peşəkarlıq səviyyələrinin, dünyagörüşlərinin inkişafına dəstək göstərilməsi və digər məsələlər nəzərdə tutulub.
Mətbuatda gedən xəbərlərə aşağıdakı linkdən daxil ola bilərsiniz:
