23 may 2026-cı il tarixində Azərbaycan-Türkiyə İş Adamları Birliyi (ATİB) və ALLSAFE Kibertəhlükəsizlik MMC-nin birgə təşkilatçılığı ilə Daxili Audit Ayı çərçivəsində ATİB üzvü olan şirkətlər üçün “Daxili Audit Ayına Özəl: Auditdə Risk və Uyğunsuzluqların İdarə Edilməsi” mövzusunda təlim təşkil edilmişdir.

Beynəlxalq təcrübəyə malik mütəxəssis, ISO 9001 və ISO 42001 Lead Auditoru Gülşah Bakırlı tərəfindən keçirilmiş təlim çərçivəsində audit prosesində risk əsaslı yanaşmanın tətbiqi, uyğunsuzluqların müəyyənləşdirilməsi və effektiv idarə olunması, korrektiv tədbirlərin planlaşdırılması, eləcə də daxili audit fəaliyyətlərində beynəlxalq təcrübələr iştirakçılarla bölüşülmüşdür.

İnteraktiv formatda keçirilən təlim zamanı iştirakçıların sualları cavablandırılmış, praktiki nümunələr əsasında müzakirələr aparılmışdır.

Təlimdə iştirak edən bütün şirkət nümayəndələrinə təşəkkür edir, fəaliyyətlərində uğurlar arzulayırıq.