ALLSAFE Kibertəhlükəsizlik MMC olaraq, 8 may 2025-ci il tarixində Azərbaycan Kibertəhlükəsizlik Təşkilatları Assosiasiyası (AKTA)’nın təşkilatçılığı və “Caspel” MMC-nin sponsorluğu ilə keçirilən “Nəqliyyat sektorunda kibertəhlükəsizlik” mövzusunda sektorial görüşdə iştirak etdik.

Tədbir zamanı nəqliyyat və logistika sahəsində kibertəhlükəsizlik çağırışları, mövcud kibertəhdidlər və onlara qarşı mübarizə mexanizmləri geniş şəkildə müzakirə olundu. Eyni zamanda, sahənin inkişafı fonunda yeni tənzimləmə və müdafiə mexanizmlərinin formalaşdırılmasının vacibliyi vurğulandı.